Driehoeksmeting

Driehoeksmeting of trigonometrie is 'n vertakking van die wiskunde wat oor driehoeke handel. Dit ondersoek veral driehoeke waarvan een hoek 90° is (reghoekige driehoeke), asook die verhoudings tussen hoeke en sylengtes — byvoorbeeld die trigonometriese funksies soos sinus (sin), cosinus (cos) en tangens (tan). Afgesien van gewone driehoeke in 'n plat vlak, word driehoeke op 'n sfeer ook ondersoek in sferiese trigonometrie.

'n Trigonometriese sirkel is 'n sirkel met 'n straal van 1 en die middelpunt as oorsprong van die assestelsel. Die cosinus van die hoek ${\displaystyle \alpha \!}$ is die waarde van ${\displaystyle \alpha \!}$ op die sirkel op die x-as en die sinus van ${\displaystyle \alpha \!}$ is die waarde op die y-as. Daarin word die volgende verwantskappe sigbaar

${\displaystyle \sin(-\alpha \ )=-\sin \alpha \!}$

${\displaystyle \cos(-\alpha \ )=\cos \alpha \!}$

Die tangens van 'n hoek is gedefinieer as die verhouding tussen die teenoorstaande en die aanliggende sye van 'n reghoekige driehoek en is dus:

${\displaystyle \tan \alpha \ ={\frac {\sin \alpha \ }{\cos \alpha \ }}}$

${\displaystyle \tan(-\alpha \ )=-\tan \alpha \!}$